அரசியல்அனுபவமும் பயிற்சியும் இல்லாதகாரணத்தால் பழிவாங்கும் படலத்தில் சிக்கிய த.வெ.க கட்சிதலைவர் விஜய்

அரசியல்அனுபவமும் பயிற்சியும் இல்லாதகாரணத்தால் பழிவாங்கும் படலத்தில் சிக்கிய த.வெ.க கட்சிதலைவர் விஜய்.

செப்டம்பர் 27.ஆம் தேதி கரூர் மாவட்டத்தில் வேலுசாமிபுரம் பகுதியில் த.வெ.க கட்சி பிரச்சார கூட்டம் நடைபெற்றது வேலுசாமி புரம் பகுதியில் அதிகபட்சம் ஐந்தாயிரம் பேர் கூடும் அளவுக்கு இட வசதி உள்ள காரணத்தால் த.வெ.க கட்சித் தலைவர் திரு. விஜய் அவர்களின் பேச்சை கேட்பதற்காக ஆவலுடன் கூடிய கட்சி தொண்டர்கள் மற்றும் பொதுமக்கள் அதிக அளவில் திரளாக பங்கேற்றதால் அந்த அளவிற்கு கூட்டம் கூடும் இடவசதி இல்லாத காரணத்தால் கூட்ட நெரிசல் ஏற்பட்டு பாதுகாப்பு காரணம் என்று கூறி மின்சார துண்டிப்பு ஏற்பட்டு போதுமான வெளிச்சம் இல்லாததாலும்.

மேலும் தொண்டர்களுக்கு போதுமான பாதுகாப்பு விழிப்புணர்வு இல்லாத காரணத்தாலும் காவல்துறை போதுமான அளவில் பாதுகாப்பு பணியில் ஈடுபடாததாலும் ஒரு மரத்தின் மேல் தொண்டர் ஒருவர் ஏறி டிரான்ஸ்பார்ம் மேல் விழுந்து பெரிய அளவில் அடிபட்டதால் அதே இடத்தில் இறந்து விட்டார் அவரை அப்புறப்படுத்தும் பணியில் ஈடுபட்ட போது கட்டுக்கடங்கா நெரிசல் ஏற்பட்டு கூட்ட நெரிசலில் மக்கள் சிக்கி மூச்சு விட முடியாமல் அவதிக்குள்ளாகி இதுவரை சுமார் 10 குழந்தைகள் உட்பட 41 பேர் உயிரிழந்துள்ளனர்.

- Advertisement -

மேலும் சுமார் 50 பேர் பெரும் காயங்களுடன் மருத்துவமனைகளில் சிகிச்சை பெற்று வருகின்றனர் இதற்கு முக்கிய காரணமாக அரசியல் அனுபவம் மிக்க தலைவர்கள் மற்றும் அரசியல் விமர்சகர்கள் கூறுவது என்னவென்றால் அதிக மக்கள் கூட கூடிய அளவு வசதி இல்லாத இடத்தில் பிரச்சாரக் கூட்டத்திற்கு அனுமதி கொடுத்தது அரசு மற்றும் காவல் துறையின் கவன குறைவு என்றும் மேலும் நிகழ்ச்சி நடத்தக்கூடிய த.வெ.க கட்சி நிர்வாகிகள் அறியாமையும் அனுபவம் இல்லா நிகழ்ச்சி ஏற்பாடுகளை செய்ததுதான் இது போன்று கோர துயர உயிரிழப்பு நிகழ்ச்சிகள் நடந்ததற்கு காரணம் என்று அனுபவமுள்ள கட்சி தலைவர்கள் கூறுகிறார்கள்.

ஏனென்றால் திரு.விஜய் அவர்களை நேரில் பார்க்கவே அதிக அளவு தொண்டர்களும் மக்களும் கூடும் நிலையில் அதற்கு முழு பாதுகாப்பு ஏற்பாடுகளுடன் நிகழ்ச்சிகளை நடத்தும் அனுபவம் கட்சி நிர்வாகிகளுக்கு இருக்க வேண்டும் என்பது மிக அவசியம் அதுபோன்ற அனுபவம் இல்லா செயல்பாடுகளே இந்த துயர சம்பவத்துக்கு ஒரு காரணம் என்று சொல்லலாம் இதை இனிமேலாவது த.வெ.க கட்சித் தலைவர் திரு விஜய் அவர்கள் சரியாக கண்காணித்து நிகழ்ச்சி ஏற்பாடுகள் பாதுகாப்புடன் செய்யப்பட்டுள்ளதா என்பதை கண்டறிந்து பிரச்சாரக் கூட்டங்களை நடத்த வேண்டும் என்பதே சமூக ஆர்வலர்களின் கோரிக்கையாக உள்ளது மேலும் த.வெ.க கட்சி தலைவர் விஜய் அவர்களின் பிரச்சாரக் கூட்டங்களில் தமது கட்சி மக்களுக்காக என்ன செய்யும் என்பதையும் தமது கட்சியின் அடிப்படை கொள்கை செயல்பாடுகளை மக்களிடம் எடுத்து கூறுவதை விட்டு ஆளும் திமுக அரசை குறை கூறி விமர்சிப்பதும் BJP, அஇஅதிமுக, போன்ற கட்சிகளை விமர்சிப்பதும் ஒரு அரசியல் அனுபவம் மிக்க செயல்பாடுகள் இல்லை என்பது தெளிவாக தெரிய வருகிறது ஏனென்றால் விஜய் அவர்கள் இப்பொழுதுதான் கட்சியை ஆரம்பித்து மக்களை நேரடியாக சந்திக்க கூட்டங்கள் நடத்தி வருகிறார் ஆகையால் அந்த கூட்ட நிகழ்ச்சி ஏற்பாடுகள் எவ்வாறு பாதுகாப்புடன் அமைக்க வேண்டும்.

மேலும் மக்களிடம் என்ன பேச வேண்டும் என்பதை நல்ல பயிற்சி எடுத்துக் கொண்டு அரசியல் பிரச்சார கூட்டங்களில் பேசுவது விஜய் அவர்களின் கட்சி எதிர்காலத்தில் வளர்ச்சி அடைய ஏதுவாக இருக்கும் என்பதை அவர் புரிந்து கொண்டு செயல்பட வேண்டும் இல்லை என்றால் இது போன்ற மிக பெரிய இடையூறுகளையும் கோர அசம்பாவித நிகழ்வுகள் நடைபெற வாய்ப்புள்ளதால் திரு. விஜய் அவர்கள் மிக எச்சரிக்கையாக விழிப்புடன் அனுபவபூர்வமாக அனைத்தையும் அணுக வேண்டும் என்பதே சமூக ஆர்வலர்களின் கருத்தாக உள்ளது. கரூரில் நடந்த கோர சம்பவத்தில் உயிரிழந்தவர்கள் குடும்பத்தினருக்கு தலாரூ. 20 லட்சமும் காயம் அடைந்து சிகிச்சை பெற்று வருபவர்களுக்குதலா ரூ. 2, லட்சமும் நிவாரண உதவி அளிப்பதாக விஜய் அறிவித்துள்ளார்.

மேலும் உயிரிழந்த சகோதர சகோதரிகளின் குடும்பத்தினருக்கு கனத்த இதயத்துடன் தமது ஆழ்ந்த இரங்கலையும் வருத்தத்தையும் தெரிவித்து கொள்வதாக திரு. விஜய் அவர்கள் கூறியுள்ளார்.மேலும் மத்திய அரசு சார்பாக உயிரிழந்தவர்கள் குடும்பத்தினருக்கு ரூ. 2 லட்சமும் காயம் அடைந்து சிகிச்சை பெற்று வருபவர்களுக்கு ரூ, 50,000 நிவாரண உதவி வழங்குவதாக பிரதமர் நரேந்திர மோடி அறிவித்துள்ளார்.மேலும் தமிழக அரசு சார்பாக உயிரிழந்தவர்கள் குடும்பத்தினருக்கு ரூபாய் 10,லட்சமும் காயமடைந்து சிகிச்சை பெற்று வருபவர்களுக்கு 50,000 நிவாரண உதவி வழங்க முதலமைச்சர் மு. க. ஸ்டாலின் அவர்கள் உத்தரவிட்டுள்ளார். மேலும் கரூர் வேலுசாமிபுரம் குறுகிய பகுதியில் இந்த நிகழ்ச்சிக்கு அனுமதி அளித்தது ஏற்க தக்கதல்ல என்று தேமுதிக, நாம் தமிழர், BJP, அஇஅதிமுக போன்ற பல கட்சித் தலைவர்கள் கருத்து தெரிவித்துள்ளார்கள்.

நிருபர்.N.நபிமுகமது